Skip to content Skip to sidebar Skip to footer

Lirik Lagu Minang Pariaman Oleh ADIM_MF

lagu minang terbaru pariaman ADIM_MF
Pariaman
Pariaman Pariaman 

Pariaman tadanga langang Batabuik mangkonyo rami 
Diak kanduang tadanga sanang Baok tompang badan kami 
Ka ladang balilah sanduak Dibali rang mudo-mudo 
Digoyang mangko dikaruak Dicaliak pulo angkonyo 
Batanang manjago 
Sansai den_Malang den 

Oi di rantau indak do sanang Di kampuang marasai badan kama badan ka batenggang 
Sajak mati mandeh kanduang Anam puluah lapan 
Sansai den_malang den 

Rumpuik saruik panjanglah ba a Panek pandan maladuangkan oi iduik sananglah baa 
Panek badan manangguangkan ondeh diak kanduang oi Situjuah bandanyo dalam Bakambuik pinang mudonyo dek ulah kasiah mandalam 
Digayuang suduik matonyo 
Sansai den_malang den 

Oi lah masak nasi rang Kapau Cubadak jo samba randang Tadanga adiak maimbau 
Oi Uda capeklah pulang, ampek puluah datang 
Sansai den_malang den 

Oi si udin anak rang Tiku marantau ka pariaman Manangih tagak di pintu 
Malapeh uda bajalan, yo karantau urang Cari anam puluah satu Usah sanak ragukan Coretlah disitu Ondeh diak kanduang oi 
Sansai den_malang den 

Oi Samsudin Burhanudin Salapiak sakatiduaran Salapan duo bapilin 
Salapan puluah salapan Ondeh diak kanduang oi 
Sansai den_malang den  

Oi babuai adiak babuai Babuai piciangkan mato Kok dapek kato sasuai 
Barisuak jadi nak daro, ondeh diak kanduang oi Cari duo puluah duo itu angko nan tibo Jan lupo manjago Ondeh diak kanduang oi
Sansai den_malang den  

Oi ka ladang batanam padi Ditanam anak Bintuangan Lah malang nasib den kini 
Tatagak tiang gantuangan sabaleh di tangan
Sansai den_malang den  

Oi neng Wulan Anak rang banduang Banyanyi nan dibatawi Lah lusuah kain pambaduang 
Oi anak usah manangih Ondeh nak kanduang oi 
Rancak pasa Bukit Tinggi Manurun ka pasa banto Samuik dipijak indak mati 
Alun tataruang patah tigo 
Sansai den_malang den  

Oi taratak gunuang pasaman Kurinci babagi duo Taragak usah bapasan 
Dalam mimpi kito basuo Ondeh diak kanduang oi 
Sansai den_malang den

Dengar Lagu

Mahlil Al mudassa
Mahlil Al mudassa Hamba Allah yang sering nyangkut di dunia maya via atribut fana. Slogan BISYEL Email: mahlilflanstsr@gmail.com

Post a comment for "Lirik Lagu Minang Pariaman Oleh ADIM_MF"

Follow By Email